Erik Cuevasek eta Arkaitz Amenabarrek prestatu dituzte patata gozoenak

Patatak osintxuar erara prestatu behar zituzten auzoko jaietako sukaldaritza lehiaketan. Hamar lapikokada egin zituzten taldeka edo bikoteka. Atzo gaueko auzo afarian jan zituzten denak eta Erik Cuevasek eta Arkaitz Amenabarrek prestatutakoak izan ziren gustukoenak. Bigarren sailkatu ziren Uxue Zubizarreta, Alain Yarza, Beñat Aberasturi eta Anuk Bolunburu. Hirugarren postuan, Ainhoa Arbelaitz eta Maddi Arando.