Arantza Baskaranen 'Pintura abstraktua' erakusketa ikusgai Bergarako Aroztegi Aretoan

Arantza Baskaran margolari arrasatearren lanak ikusgai daude Bergarako Aroztegi Aretoan. Pintura abstraktua izena du erakusketak eta ikusgai izango da irailaren 8ra bitarte. Izenak dioen moduan, margolan abstraktuak dira eta koloreek garrantzi handia dute. Baskaranen esanetan, koloreak eta formak bere buruan ikusten eta sentitzen duen hori adierazten laguntzen diote.