Erromeria egun borobila izateko osagai guztiekin, goraino bete da San Martzial

Bergararrentzako egun kuttuna izan ohi dela jakina da, eta gaurkoan San Martzialek zuen itxura ikustea nahikoa da hori baieztatzeko. Kanpaiek 12:00ak jo orduko Lizaso eta Arzallus bertsolariak lanean hasi dira eta ostean dantzek hartu dute protagonismoa. Eguraldiak bete-betean lagundu du gaurkoan, eta bergararrek bikain aprobetxatu dute.