Angiozarko Trikiti Eskolak ikasturte amaierako erakustaldia egin du

Giro ederra jarri zuten Angiozarko trikitilariek atzo auzoan. Trikiti Eskolaren ikasturte amaierako erakustaldia egin zuten. Manex Torrealdai irakaslearen laguntzarekin egin zuten emanaldia. Andre Madalen, Neska Zaharrak eta Zazpi jauzi piezak jo zituzten, besteak beste. Horrez gain, Huntza taldearen Lasai abestia kantatu egin zuten, eta Ameriketara joan nintzen abestia rap estilora jo zuen pandero taldeak biserak eta betaurrekoak jantzita.