Gipuzkoako banakako erlojupeko txapelketa izan da gaur Bergaran

Bergarako San Antonio Sariaren 83. edizioa jokatu dute gaur arratsaldean, Gipuzkoako Banakako Erlojupeko Txapelketa hain zuzen. Kadeteentzako lasterketa izan da eta 90 ziklista inguru batu dira irteera puntuan, San Antonio kalean. Txirrindulariak 30 segunduro irten dira. Ulma taldeko Aimar Erostarbe oñatirrak lortu du denborarik onena.Bigarren postua Bazpi taldeko Beñat Carbayedak lortu du eta hirugarrena, berriz, Viveros San Anton taldeko Kimetz Etxabek.