Jesus Mari Lazkano eta Aitor Arregiren lanak, Kimuak 2019ko katalogorako aukeratu dituzte

Jesus Mari Lazkano bergararrak eta Josu Venerok egindako 'Artiko' film laburra eta Aitor Arregi oñatiarrak eta Jose Mari Goenagak egindako 'Mateoren Ama', Kimuak 2019ko katalogorako aukeratu dituzte. Guztira 65 lan aurkeztu dira, baina zazpi izan dira katalogorako aukeratu direnak. Hala, aukeratutako film laburrak nazioarteko zinema jaialdi zein ikus-entzunezko ospakizun garrantzitsuenetara bidaliko dira.