Lehen urtearekin "oso pozik" eta aurrera begira "oso gogotsu" dago Bergarako EreinDaJan

Bergarako EreinDaJan denda-topaguneak urtebete egin berri du. Urte "oparoa" izan dela dio arduradunek, eta datuek hori erakusten dute: gaur-gaurkoz, 291 bazkide-kontsumitzaile ditu eta 24 bazkide-ekoizle ditu kooperatibak. "Bazkide berriei ateak zabalik ditugu, baita bazkide izan gabe gurean erosketak egin nahi dutenei ere", diote.