Bergaran inork ez du zalantzan jartzen aparkaleku arazo bat dagoela. Honen aurrean, zentzuzkoa litzateke gaur egungo aparkaleku beharrak zeintzuk diren aztertzea eta diagnostiko tekniko bat edukitzea erdigunean lurazpiko aparkaleku bat egiteko proiektua bideratu aurretik. Hemen ez da horrelakorik egin. Erdigunean aparkaleku bat egiteko erabakia hartu da mugikortasun azterketa bat egin aurretik. Ez da beste kokapenik aztertu aparkaleku bat egiteko eta ez da proiektu honen bideragarritasuna alderatu posible litezkeen beste proiektu batzuekin, erdigunetik gertu eta plaza gehiagorekin.