Seminarixoko parkinga

Aspalditik dator aparkaleku faltaren arazoa Bergarako erdigunean. Deba ibaiaren eta alde zaharraren bitartean garatu da erdigunea eta honekin lotuta datorren guztia: biztanleria multzo handi bat eta hauei eta herri guztiari zerbitzua ematen dieten hainbat eta hainbat zerbitzu desberdin, publikoak zein pribatuak, Udala, aurrezki kutxa eta banketxe, epaitegia, era guztietako dendak, osasunarekin lotutako hainbat zerbitzu, UNED, jatetxe eta tabernak, Seminarixoa, eta profesional desberdinen hainbat zerbitzu.