Hauteskundeetako elkarrizketak eta debateak, gaurtik aurrera Goiena telebistan

Goienak maiatzaren 26ko hauteskundeen jarraipen berezia egingo du komunikabideko euskarri guztietan. Goiena telebistari dagokionez, herririk herri alkategaiekin egindako debateak eskainiko ditu martitzenetik aurrera, 22:00etan. Bestalde, gaurtik ostiralera bitartean, Foru hauteskundeetako alderdietako ordezkariei egindako elkarrizketa pertsonalak eskainiko dira, egunero, 20:30ean eta 23:30ean. Eztabaida guztiak Goiena.eus-en ere ikusgai egongo dira.