Pentekosteetarako diru-laguntza handitzea eskatzeko 830 sinadura aurkeztu ditu Xaxauk

Xaxau jai herrikoien konpartsak jakinarazi duenez, 830 sinadura batu dituzte Udal Gobernuari eskatzeko diru-laguntza handitzea Pentekosteak antolatu ahal izateko. "Herritarrek oso ondo erantzun dute; jendeak komentatu digu ez duela Bergarako jairik txosnagune barik ulertzen, askok hartzen dute beste alternatiba bat bezala". Sinadurok atzo arratsaldean udaletxeko Bergararren Arreta Zerbitzuan erregistratu zituzten.