'Harian' egitasmoaren azken emanaldietako bat

Bira amaitu aurretik, Eñaut Elorrietak eta Kaabestri String Ensemble hari boskoteak Seminarixoan eskainiko dute kontzertua, etzi, zapatua, 19:00etan; sarrerak zortzi eurotan eros daitezke zapatuan leihatilan, eta aurrez, Ticket.kutxabank.es atarian, eta gaur, eguena, Seminarixoko leihatilan 18:00etatik 20:00etara. Eñaut Elorrieta musikaria Arrasate Irratiko Igo Autobusera! saiora gonbidatu dute gaur; hemen elkarrizketa entzungai.