Bidekurutzeta kalean oinezkoei lehentasuna emateko neurriak iragarri ditu Udal Gobernuak

Bergarako Bidekurutzeta kalean ibilgailuek oinezkoendako espaloiak inbaditzea "eguneroko arazo larria" dela aspaldi kexatu ziren bizilagunak eta Udal Gobernuak asteon iragarri du neurri batzuk hartuko dituztela. Ibilgailuen abiadura gehienez 20 kilometro ordukoa dela dioen seinalea jartzea eta udaltzainek jarraipen zorrotzagoa egitea izango dira neurrietako batzuk.