'Azken minutua' programa, Bergarako Elikagaien Bankuan
Gaur egungo kalkuluen arabera, mundu osoan gizakiek kontsumitzeko ekoizten diren elikagaien herena galtzen da, eta, horrek, kostu ekonomikoan eta ingurumenari lotutakoan eragina dauka. Gipuzkoan, zehazki, 120.000 tona elikagai galtzen da urtero. Horri aurre egiteko asmoz, beharra dutenei laguntzeko, 'Azken minutua' programako elikagaiak jaso eta banatuz lan handia egiten dute Bergarako Elikagaien Bankuan.