Aiert Lizarralde: "Podemosek boto gutxi eramatea eta EAJri zein PSEri botoak kentzea espero dugu"

Bere hasierako asmoa lekukoa beste taldekide bati pasatzea bazen ere, Irabaziko zerrendaburu moduan aurkeztuko da Aiert Lizarralde Ortiz de Zarate (Bergara, 44 urte) maiatzaren 26ko udal hauteskundeetarako. Argi azaldu du zergatik ez diren Podemosekin batera aurkeztu: "Aurreko agintaldian Irabaziren zerrendan etorri zen Podemoseko zerrendaburua, eta hainbat herritarren kritikak jaso genituen".