Arnaldo Otegi: "Domekan, ezkerreko independentismoak milioi bat bototik gora jasoko ditu Estatuan"

Domekan ospatuko diren Espainiako Gorteetarako hauteskundeen barruan egindako ekitaldian, goraino bete zuen EH Bilduko idazkari nagusi Arnaldo Otegik Bergarako Olaso dorreko areto nagusia. Besteak beste, Espainiako eskumarentzat "etsai nagusia" ezkerreko independentismoa dela esan zuen, eta emaitzen aurreikuspen bat ere egin zuen: "Milioi bat bototik gora jasoko ditu ezkerreko independentismoak domekan".