Bergarako Goiko Estazioa oso gune kutuna da bergarar askorentzat, herriaren ikuspegi pribilegiatua eskaintzen duena. Udalak eremua biziberritu gura du, 2016ko ideien lehiaketan bereziki gaztetxoenek egindako eskaerak aintzat hartuta, eta jolaserako bi eremu, aparkaleku gutxi batzuk eta aisialdirako eta txakurrendako gune bana aurreikusten dira, besteak beste. Lanak uda partean hasiko dira.