Aranzadiko ikasleek eta ISSeko astronautek zuzeneko konexio bat egingo dute udaberri bukaeran

Ekimen estratosferiko baten hartuko dute parte Aranzadi ikastolako ikasleek udaberri amaieran. ARISS da mundu mailako ekimenaren izena eta, labur azalduta, ikasleak Nazioarteko Espazio Estazioan –ISS moduan ezaguna– bizi diren astronautekin zuzeneko konexio bat egitean datza; ikasle gazteak zientziaz bustitzea da helburu nagusietako bat. Estatu mailan aukeratutako hiru ikastetxeetako bat da Aranzadi, Sevillako eta Mallorca ikastetxe banarekin batera.