Otsail erdialderako erabilgarri egongo da Boluko frontoia

1.481 bizilagunekin, Bergarako auzorik populatuena da Bolua. Eta agintaldi honetako proiektu nagusietako bat izan dena, bertako frontoia estaltzearena, bukatzear dago. "Azken ukitu batzuk" besterik ez dira falta, eta frontoia otsail erdialderako erabilgarri egotea espero du Udal Gobernuak. Kirol taldeentzat, auzotarrentzat eta edozein herritarrentzat egongo da erabilgarri. GOIENAk politikarien eta auzotarren iritziak jaso gura izan ditu.