Arrasate eta Bergarako udalek diru-laguntzak emango dituzte UEUko ikastaroetan izena emateagatik

Udako Euskal Unibertsitateak (UEU) 23 ikastaro eskainiko ditu udaberrian eta Bergarako eta Arrasateko udalek, diru-laguntzak emango dizkiete horietan izena ematen duten herritarrei. Ikastaroak on-line edo presentzialak izango dira eta Iruñea, Bilbo, Gasteiz eta Eibarren egingo dira, otsaila eta maiatza bitartean. Askotariko gaiak jorratuko dira ikastaroetan, besteak beste, Moodle-n gamifikazioa, adingabeak eta internet eta adimen emozionala eskolan.