Iragana berreskuratu, oraina ulertzeko eta etorkizunari begira jartzeko

Egubakoitzean inauguratu zuten, Bergarako Aroztegi aretoan, Berriro inoiz ez! Gerrako irudiak, 1936-1939 erakusketa. Sabino Arana fundazioaren eskutik heldu da erakusketa Bergarara eta otsailaren 10era arte egongo da ikusgai. "Hildakoak bakean utziko ditugu baldin eta egia berreskuratzen badugu, behar duten aitortza eskaintzen badiegu eta justizia egiten badiegu", adierazi zuen atzoko inaugurazioan Sabino Arana fundazioko Jose Antonio Rodriguez Ranz-ek.