Bergarako San Martzial tunela konpontzeko desbideraketa egingo dute asteburuan AP-1ean

Gipuzkoako Foru Aldundiak jakinarazi duenez, Bidegik konponketa lanak egingo ditu AP-1ko San Martzial tunelean, abenduaren 3an auto bat bertan erre izanak sortu zituen kalteak konpontzeko. Lanok egubakoitzean 17:00etan hasiko dira eta astelehenean 06:00etan amaituko dira. Denbora tarte horretan desbideraketa bat egin beharko da.