Aspertzeko astirik ez Labegaraietako Gabonetako jolas parkean

Atzo, urtarrilak 2, ireki zuten Gabonetako jolas parkea Bergarako Labegaraieta kiroldegian. Hainbat ume eta gaztetxo elkartu ziren eta, ohiko puzgarriez gain, bideo-jokoen gunea izan zen bereziki arrakastatsua. Gaur eta bihar ere egongo da zabalik, 11:00etatik 13:00etara eta 17:00etatik 20:00etara. Eguneko sarrera lau euro da.