Zuberoako ikastolek prest dituzte Gabonetako otarreak. Aurten ere bi jarri dituzte aukeran –Ahüzki eta Irati–, ondorengo hiru helburuekin: ikastolen finantziazioan laguntzea, euskarak Zuberoan duen presentzia handitzea eta bertako ekoizleen produktuak ezagutaraztea. Eskariak www.ikaskoli.eus webgunean egin beharko dira abenduaren 10a baino lehen, eta abenduaren 14an egingo dute banaketa Arrasaten.