Zientziaren 'Leku Historiko' da Bergara

Zientziaren Leku Historiko izendapena jaso du gaur Bergarak Europako Fisika Elkartearen -European Physical Society, EPS- eskutik. Laboratorium museoan izendapena ziurtatzen duen plaka desestali dute Elena Lete alkateak eta EPSko presidente Rudiger Vossek. Horren ostean, Seminarixoan izan da ekitaldi nagusia. Han, Letez eta Vossez gain, Markel Olanok, Pedro Miguel Etxenikek eta Iñigo Urkulluk ere hartu dute hitza. Denek ere izendapenaren garrantzia azpimarratu dute, baita ezagutzarena ere.