Bikote nagusiendako 33. dantza txapelketa jokatuko dute egubakoitzean, Seminarixoan

San Martin jaietako egitarauaren barruan 33. dantza sueltoko txapelketa antolatu du Musika Eskolak, Udalaren laguntzarekin. Egubakoitzean izango da saioa, Seminarixoan, 19:30ean. Bikoteek fandangoa eta arin-arina dantzatuko dituzte. 11 bikotek parte hartuko dute txapelketan, tartean Saioa Galarraga eta Julen Murgiondo bergararrek.