Udalerri euskaldunetako gazteek elkar ezagutzeko udalekuak antolatu ditu lehenekoz UEMAk

"Gazteak euskararen inguruan sentsibilizatzeko, kontzientziatzeko eta eragile aktibo bihurtzeko” udalekuak aurkeztu zituzten pasa den astean UEMAko ordezkariek, Miren Dobaran Eusko Jaurlaritzako Hizkuntza Politikarako Sailburuordearekin batera egindako agerraldian. Udalekuok uztailaren 10etik 17ra izango dira Zestoako Sastarrain aterpetxean eta izena emateko epea zabalik dago.