Zirkulazioa bideratzen ari zen udaltzain bat harrapatu du auto batek Ibargarai kalean

Ezbeharra 07:30 inguruan gertatu da. Zirkulazio handia egoten da ordu horretan Bergarako Ibargarai kale inguruan, eta udaltzainek bideratzen dute hori. Hain zuzen horretan ziharduen udaltzain bat harrapatu du auto batek. Ospitalera eraman dute baina haren egoeraren berri ez dute eman Bergarako udaltzaingotik.