Saltoka eta brinkoka ibiltzea, eguraldi txarrari aurre egiteko modurik onena

Olagarro erraldoia, hondoratzen ari den itsasontzia, Super Mario oinarri duena... Askotariko puzgarriek hartu dute goizean Bergarako Udal pilotalekua, bertan jarri dute-eta umeendako jolas-parkea. Ohe elastikoak, mahai-jolasak eta bestelako jostailuak ere ez dira falta izan haurren gozamenerako. Gaur, eguena, 17:00etatik 20:00etara; eta bihar, egubakoitza, 11:00etatik 13:00etara eta 17:00etatik 20:00etara ere zabalik egongo da jolas-parkea.