Gorosti loradendak irabazi du Bergarako erakusleiho lehiaketako 1. saria; herritarrena, Maka oinetakoak

24 partaide izan ditu Udalak antolatutako erakusleiho lehiaketak aurten; iaz baino sei gehiago. Bost sari banatu dira guztira, hiru epaimahaiak aukeratu ditu, laugarrena herritarrek, eta bozkatu dutenen artean ere banatu da azken sari bat. Sari guztiak Udal txarteletan banatuko dira, Bergarako komertzioetan gastatzeko.