Euskaraz bizi nahi dutela aldarrikatu eta ospatu dute gaur makinatxo bat debagoiendarrek

Euskararen Nazioarteko Egunean hainbat ekimen egin dira bailaran, horietako asko aurreko egunetatik abiatuta. Euskara aldarrikatzeko eta ospatzeko eguna izan da, eta baita ere konpromisoak hartzekoa. Bergaran, esaterako, Euskaraldia antolatzeko konpromisoa hartu dute eta Aretxabaletan Ahoa bizi, belarriak prest! flashmob jendetsua egin dute. Arrasaten, berriz, Euskararen plaza inauguratu dute.