Bergarako Udalak emakumeen aurkako 13 indarkeria kasu artatu ditu aurten

Goizean ezagutarazi dituzte datuak Berdintasun zinegotziak eta Gizarte Zerbitzuetako buruak. Urtea hasi zenetik gaur arte Udaleko Gizarte Zerbitzuetan artatu dituzten kasuak dira eta, ildo horretatik, garbi utzi nahi izan dute sail horretara laguntza eske jotzeko ez dela beharrezkoa salaketa jarri izana eta balitekeela Ertzaintzan eta epaitegietan beste kasu batzuen berri izatea. "Errealitate zati bati dagozkion datuak dira guk esku artean ditugunak", azaldu dute. 2015ean, zortzi izan ziren artatutako kasuak; eta 2016an, 16.