Bergarako Udalak "zilegitasun osoa" aitortzen dio Kataluniako erreferendumari

Gure Esku Dagok eta EH Bilduk aurkeztutako mozioen bitartez, urriaren 1eko erreferenduma presente izan zen atzo Bergarako udalbatzan; PSE-EEk aurka bozkatu zuen erreferenduma legez kanpokoa dela iritzita, baina EAJk, EH Bilduk eta Irabazik bat egin zuten Kataluniako prozesuarekin; konpromisoen artean dago, esaterako, domekara bitartean estelada bat jartzea San Martin plazako ikurrina handiarekin batera.