Sei zuhaitz botako direla-eta, Usondo parkeak erabilera mugatua izango du asteon

Udalak "ohiko azterketa" egin die udalerriko zenbait zuhaitzei eta azterketa horietan ondorioztatu dute Usondo parkeko sei zuhaitz –urkiak eta haritz amerikarrak– gaixo daudela eta ez dutela sendabiderik. Horregatik bota egin beharko dituzte eta, herritarren segurtasuna bermatzeko, parkea itxita egongo da lanek iraun artean: "Lanen arabera, zabaldu edo itxi egingo da parkea".