Bost urteren ostean idi probak berreskuratu dira

Idi proben erakustaldia ikusteko aukera egon da gaur 12:00etan Bergarako San Martin plazan. Aita-semeen arteko erronka bezala iragarri bazen ere, azkenean ez da horrela izan. Mikel Salegi bergararra, bere baserriko idi parearekin, mungiarren kontra lehiatu da, eta talde bakoitzak hogei minutu izan ditu. Bergarako eta Mungiako idiek 1.500 kiloko harria mugitu behar izan dute. Bi taldeek erakustaldi bikaina egin dute, azkenean baina mungiarrek irabazi dute.