Giro paregabea Angiozarko Partaitia auzoko jaietan

San Bizente jaiak ospatzen dituzte auzo honetan eta eguraldia lagun, jende ugari hurbildu da bertara gaur eguerdi partean. Meza izan da lehenik, 12:00etan; eta ondoren, trikitilarien doinuez alaiturik, ez dira falta izan salda, txorizoa eta txakolina. Inguruko herrietako –Bergara, Elgeta, Antzuola– jendea hurbildu da gehienbat eta oinez inguratu direnak ere dezente izan dira. Bi urdaiazpiko ere zozketatu dituzte.