Aurreikuspenak gaindituta, kromoen bigarren tirada bat prestatzen dihardu Bergara Kirol Elkarteak

Atzo hasi ziren futbol elkarteko kromoak saltzen, eta salmenta "oso ondo" hasi dela diote klubetik. Hala, honezkero bigarren tirada bat prestatzen hasi dira. Gainera, zapatuan gizonezkoen lehen taldeak Ilintxa hartuko du Agorrosinen, eta partiduaren amaieran talde horretako zein emakumezkoen lehen taldeko jokalariak albumak sinatzen izango dira.