Sprilurrek 3,5 milioi euro inbertituko ditu Larramendi industrialdean bi eraikin egiteko

Bergarako Larramendi industrialdea, non urteetan ez den enpresa berririk ezarri, biziberritzen hasiko da laster. Hala, Eusko Jaurlaritzako Ekonomia Garapen eta Lehiakortasun  Sailari atxikitako Sprilur sozietateak jakinarazi du bi eraikin egingo dituela bertan. Sozietateko iturrien arabera, “gero eta enpresa gehiago interesa agertzen dabiltza” Larramendin espazioak eskuratzeko, eta haiei “tamaina ertaineko” pabiloiak eskaintzeko helburuarekin egingo ditu obrak.