Gaur –egubakoitza– da egitarauko aurrenekoa: 22:15ean hasita, Imanol Ituño magoaren ikuskizuna izango da Txuringo tabernan. Hilaren 20an, berriz, 17:30ean, Kiki, Koko eta Moko pailazoek Parranda tutiplen ikuskizuna eskainiko dute frontoian. Hurrengo egunean Animen Eguna ospatuko dute, eta gaztainak eta sagardoa izango dira plazan 19:00etan hasita. Hilaren 25ean Andoni Olabegogeaskoetxearen bakarrizketa entzun eta ikusteko aukera izango da; 22:15ean hasiko da ikuskizun hau ere. Azaroa gaztainetan egitarauarekin amaitzeko, azkenik, jubilatuen bazkaria egingo dute hilaren 27an.