Datorren udan gehiagotan zabalduko dute igerilekua gauez

Asmo hori agertu du Udaleko Kirol teknikari Iñaki Ugarteburuk. Aurten, uztailaren 18an 00:00ak arte zabaldu zuten, eta egun hori izan zen igerilekuan udako egun jendetsuena, 2.514 lagunekin; datu modura, 22:00etan 490 lagun zeuden igerilekuan, eta 23:00etan 230: "Froga gisa egin genuen eta, erabiltzaileen erantzuna ikusirik, gure asmoa da hurrengo udan behin baino gehiagotan luzatzea irekiera ordutegia", azaldu du Ugarteburuk. Hilabetea hartuta, jendetsuena ekaina izan da.