Realak eta Eibarrek Kilometroak jaialdiaren aldeko lagunartekoa jokatuko dute gaur, abuztuak 10, Bergarako Agorrosin futbol zelaian. 19:00etan hasiko da partidua eta Espainiako liga abuztuaren 19an hasiko dela kontuan hartuta, bi taldeak puntu-puntuan etorriko dira. Partiduak ikusmin handia piztu duen seinale, Euskal Herriko zein Estatu espainiarreko hainbat komunikabide izango dira gaur Agorrosinen.