Kilometroak 2016k eta Lokatza Ziklismo Eskolak antolatuta emakumezkoen kriteriuma egin dute gaur Bergaran. Bi debagoiendarrek egin dute lasterketa; Garazi Estebez aretxabaletarrak irabazi egin du infantiletan eta Garazi Erostarbe oñatiarrak berriz, utzi egin behar izan du lasterketa lehenengo bueltan bizikletarekin izandako arazo bat tarteko. Eguraldi onak lagunduta, batu dira herritarrak Irala eta Ibargarai kaleetan prestatu duten lasterketara.