Bergarako Bandak eta Orkestrak Kilometroak 2016ren aldeko obra sinfonikoa estreinatuko dute domekan

Oraingo domekan estreinatuko da Hizkuntza erreinu, Kilometroak 2016rako Alfredo Gonzalez Chirlaquek konposatu duen obra sinfonikoa, Maddi Iñarraren letrarekin. Bergarako Orkestra Sinfonikoak Kilometroak 2016 jaiari egiten dion ekarpena da. 12:30ean, Udal Pilotalekuan, Udal Musika Bandaren hileko ohiko emanaldiaren ostean.