Ez da giro

Erabiltzailearen aurpegia Aritz Arizaga Altuna 2024ko urt. 12a, 13:00

EAEn epaiketa bat euskaraz egitea ixa ezinezkoa da; antza, 17 epaile baino ez ei dira gai euskeraz lan egiteko. Oingo berrixa. Beste bat: Nafarroako suhiltzaile batek, adibidez, Lodosako lanpostua bete nahi badau, alemanez jakitea meritutzat hartuko dabe eta euskera jakiteak ez dau punturik emongo. Beste bat: Eusko Jaurlaritzak hedabideei publizidade eta babesletza bidez emondako diruaren % 93 batez be gaztelaniaz direnei emon dotze. Miloikada edarra. Beste bat: ume eta gaztetxoei euskeraz irakatsiko dotsen irakasle batzuk erderaz egin dabe lanpostua lortzeko oposizioa. Horrek eta holako beste hainbeste albistek beldurtzen nau, ze urak, tantaka-tantaka, denboraren poderioz bere bidea egiten daben moduan, kolpeka-kolpeka albiste horrek danek be eurena egingo dabe. Eskerrak bestelakorik be badan triskantza horretan.

ALBISTEAK ESKUKO TELEFONOAN

Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!

WHATSAPP: Bidali ALTA 699 86 87 29 telefono zenbakira –Whatsapp bidez–.

TELEGRAM: Batu zaitez @plaentxia kanalera.