Aurten ere, irailaren amaieran hasi eta ekainera bitarte, astean behin, ordubeteko dantza eskolak eskainiko dira kiroldegian, astearte eta asteazkenetan, 19:00etatik 21:00etara bitartean. Iaz bezala, hasiera maila eta maila aurreratua bereiziko dituzte.
Urrats dantza taldeko arduradunek aurreratu dutenez, aurten, berrikuntza batzuk ezarriko dituzte ikastaroan: "Batetik, aurten, irakaslea Miren Azas dantzari eibartarra izango da, Kezka dantza taldeko dantzari gaztea eta dantza irakasle profesional moduan diharduena Eibarren eta Elgoibarren. Eta, bestetik, aurtengo ikasturtean zehar dantza mota gehiago irakatsiko dira eta aukeren artean dago soka-dantza ikastea".
Gaur gauzkoz, 30 herritarrek eman dute izena ikastaroan eta epea irailaren 1ean amaituko da. Izena emateko, online fitxa bete bete behar da edo bestela 605706086 telefonora idatzi.