Bost dantza taldek hartuko dute parte Umeen 52. Euskal Jaian: Aretxabaletako Leizarrak, Arrasateko Lore Gazteak eta Txikitxuk, Antzuolako Oinarinek, Oñatiko Oñatzek eta Soraluzeko Urratsek. Guztira, 130 dantzari txiki.
Egun osoko egitaraua
Goizeko 10:30ean abiatuko dute eguna, dantzari txikiei Frontoian egingo dieten harrerarekin. Ostean, 11:30ean, kalejiran joango dira herriko kaleetan zehar eta 13:00etan alardea eskainiko dute Plaza Zaharrean. Ondoren, elkarrekin bazkalduko dute Frontoian eta bazkalostean, jolaserako tartea hartuko dute Kukumixorekin. Arratsaldean, berriz, 17:00etan, dantza alardea egingo dute Plaza Zaharrean eta ostean, buruhandiak aterako dituzte.
Euria egingo balu, goizeko eta arratsaldeko alardeak kiroldegiko frontoian egingo dira.