Elkartasun ekimenak

'Etxetik etxera' elkartasun ekimen berezia bariku arratsaldean

Erabiltzailearen aurpegia

Sare Herritarrak eta Etxerat Elkarteak euskal presoen eta euren senideen egoeraren berri emateko ekimen berezia prestatu dute bariku arratsalderako: Etxetik etxera. 

Bihar, kartzeletara bisitan joan ezin diren guztiekiko elkartasuna adierazi eta salbuespen legedia amai dadila salatzeko aldarria egingo dugu oso era berezian. Arratsaldeko 19:00etan Etxetik etxera saio berezia emitituko da Sareren facebook orrian eta bertan hainbat senidek egun hauetan bizi duten egoeraren berri emango dute. Ondoren, 19:30ean, bakoitzak bere etxeetan argazki aldarrikatzailea atera eta sare sozialetan zabalduko dugu, ondorengo traolak erabilita: #NiEtxeanGeratukoNaiz #EtxeanNahiDitugu.

Soraluzeko Saretik soraluzetar guztiak gonbidatzen ditugu elkartasun ekimenean parte hartzera.