Erakusketaz gain, Maritxipi eta Amatxo ipuina kontatzeko saioa ere egingo dugu, eguenean, arratsaldeko 18:00etan, Gaztetxean. Gainera, ipuin-kontaketaren ostean, txokolate beroa banatuko dugu datorren guztiarendako.
Herritarrei ekimen hauen berri eman eta gonbitea egiteko, bideoa grabatu dugu hainbat guraso eta umeren laguntzarekin. Eskerrak eman nahi dizkiegu guztiei, Motxiladun umeek bizi duten egoera ezagutarazten laguntzearren.
Bilborako autobusak
Bestalde, zapatuan Bilbon egingo den manifestaziora joateko hiru autobus antolatu ditugu. Autobusetako bat goizeko 11:00etan aterako da eta beste biak arratsaldeko 15:30ean, Estaziñoko geltokitik denak. Txartelak, berriz, salgai daude Arrano, Bolia eta Batzoki tabernetan.