Poliki-poliki neurriak arinduz doazen arren, oraindik ere osasun erakundeek gomendatzen dute eragotzi egin behar direla jende pilaketa handiak eta, beraz, Udaleko Kultura Batzordean kontsulta egin eta gero, elkarrekin ondorioztatu dugu ez dagoela baldintzarik suaren bueltako herri mailako jaia behar den bezala egiteko. Hori dela eta, Pil-pileanek erabaki du aurtengoagatik Udate Gauean plazan surik ez piztea.
Hala ere, pentsatzekoa da, urtero bezala, iluntzean herritarrek piztuko dituztela suak herriko baserri eta ortuetan, eguraldiak horretarako aukerarik ematen badu, noski.
Ea datorren urtean, herriko plazan ere suaren bueltan dantza egin eta gainetik salto egiteko aukera izaten dugun. Hala bedi!
Udate on eta ondo etorri udari!