Soraluzeko PSE-EE-k, 2015 urteko udal hauteskundeetarako aurkeztu zuen programan agertzen den bezala, zero hilketak defendatzen ditu. Hori dela eta, txakurtegiaren kudeaketa etikoa eskatzen duen GEPE (por una Gestión ética de la Perrera de Eibar) izeneko agiriarekin bat egitea erabaki dugu.Agiri honek Eibarko txakurtegiaren kudeaketa alda dadila eskatzen du, zero hilketa filosofiarekin bat egingo duen erakunde babeslea bihur dadin. Eibarko txakurtegia Debabarreneko mankomonitateak kudeatzen du eta eskualde osoari eskaintzen dio zerbitzua. GEPE agiriaren bitartez, erakunde honi eskatzen zaio: animalien populazioa kontrolatzeko esterilizazioak duen garrantziari buruzko kanpainak egitea, dendetan erosi beharrean kalean uzten diren animaliak adoptatzeko kanpainak bultzatzea eta animali bat hartzeak duen erresponsabilitateari buruzko kanpainak sustatzea, beste erakunde batzuekin lan egin dezala proposatzearekin batera.
Era berean, agiriak Eibarko instalazioen hobekuntza eskatzen du, instalazio berriak eginez, eta animalientzako barne-solasaldi guneak eraikiz.
Laburbilduz animaliei tratu etiko eta enpatikoago bat ematea da agiriak eskatzen duena.